Söngtextar

• Afmælissöngur

  Afmæli þú átt í dag
  út af því við syngjum lag.
  Sama daginn sem er nú
  sannarlega fæddist þú.
  Til hamingju með heilladaginn þinn
  heillakarlinn minn/heillakerlingin.
  Allt þér gangi vel í vil,vertu áfram lengi til,
  allt þér verði hér í hag.
  Höldum upp á þennan dag.
  Til hamingju með heilladaginn þinn
  heillakarlinn minn/heillakerlingin.

  Hann/hún á afmæli í dag
  Hann/hún á afmæli í dag
  Hann/hún á afmæli hann/hún nafn
  Hann/hún á afmæli í dag
  Hann/hún er ”? ára” í dag.

• Bangsímon

  Sit ég hér á grænni grein og geri fátt eitt annað.
  En eta hunang, borða brauð því bíta allt er bannað.
  Dropar detta, stórir hér, dropar detta, hvað finnst þér?
  Dropar detta allt í kring og dinga linga ling.
  Vatnið vex nú ótt og ótt,
  Ég verð að flýja’ úr húsum.
  Hér sit ég í alla nótt
  Og borða’ úr mínum krúsum.
  Dropar detta ofan í poll, dropar detta á minn koll,
  dropar detta allt í kringog dinga-linga-ling.

• Bolludagur

  Á bolludegi fer ég með bolluvönd á kreik.

  Mér alltaf þykir gaman að iðka þennan leik:

  Ég bolla og bolla á bossann á þér fast ég slæ

  bolla og bolla og bollu í laun ég fæ.

  Já bragðgóðar eru bollurnar, bollurnar.

  Já bragðgóðar eru bollurnar, húllum hæ.

• Bráðum fæðast lítil lömb

  Bráðum fæðast lítil lömb,

  leika sér og hoppa.

  Með lítinn munn og litla vömb

  lambagrasið þau kroppa.

  Við skulum koma og klappa þeim

  kvölds og bjartar nætur,

  reka þau í húsin heim,

  hvít með gula fætur.

   

  Fuglarnir sem flýðu í haust,

  fara að koma bráðum.

  Syngja þeir með sætri raust,

  sveifla vængjum báðum.

• Brunabíll, köttur og skógarþröstur

  Ba, bú, ba, bú, brunabíllinn flautar.

  Hvert er hann að fara?

  Vatn á eld að sprauta -

  tss, tss, tss, tss!

  Gerir alla blauta.

  Mjá, mjá, mjá, mjá, mjálmar gráa kisa.

  Hvert er hún að fara?

  Út í skóg að ganga -

  uss, uss, uss, uss!

  Skógarþröst að fanga.

  Bí, bí, bí, bí, skógarþröstur syngur.

  Hvert er hann að fara?

  Burt frá kisu flýgur -

  víí, víí, víí, víí!

  Loftin blá hann smýgur

• Dúkkan hennar Dóru

  Dúkkan hennar Dóru var með sótt, sótt sótt.

  Hún hringdi og sagði lækni að koma fljótt, fljótt, fljótt.

  Læknirinn kom með sína tösku og sinn hatt.

  Hann bankaði á dyrnar ratatatata.

  Hann skoðaði dúkkuna og hristi sinn haus.

  Hún strax skal í rúmið og ekkert raus.

  Hann skrifaði á miða hvaða pillu hún skildi fá,

  „ég kem aftur á morgun ef hún er enn veik þá“.

• Ef okkur langar lífið að létta

  Ef okkur langar lífið að létta,
  svona gerum við það. Brosum
  blítt og beygjum fætur, hristum
  hausinn, hristum rassinn, hristum
  okkur öll. Setjum hendur út, slá á
  mallakút og svo setjum við á
  munninn stút.

• Ef sólin væri á bragðið eins og sleikjó

  Ef sólin væri á bragðið eins og sleikjó

  rosalegt fjör yrði þá.

  Ég halla mér aftur með tunguna út

  AAAAAAAAAA

  rosalegt fjör yrði þá.

   

  Ef rigningin væri bleikir gúmmíbirnir

  rosalegt fjör yrði þá.

  Ég halla mér aftur með tunguna út

  AAAAAAAAAA

  rosalegt fjör yrði þá.

   

  Ef skýin væru úr sykurpúðapoppi

  rosalegt fjör yrði þá.

  Ég halla mér aftur með tunguna út

  AAAAAAAAAA

  rosalegt fjör yrði þá.

   

  Ef leikskólinn væri súkkulaðikaka

  rosalegt fjör yrði þá.

  Ég halla mér aftur með tunguna út

  AAAAAAAAAA

  rosalegt fjör yrði þá.

• Einn, tveir, þrír, fjórir, fimm

  Einn, tveir, þrír, fjórir, fimm, ég
  sigldi‘ eitt sinn um höfin dimm.
  Sex, sjö, átta níu, tíu, strax ég fór
  þó heim að nýju. Hví fórstu heim
  á ný? Fiskur beit mig puttann í.
  Hvaða putta beit hann þá?
  Þennan litla hægri hendinni´á.

• Fiskalagið

  Svo margir fiskar í sjónum búa

  þar sjá má aldeilis aragrúa af þeim

  þar eru ýsur og rauðir karfar

  ufsi og þorskur og silfursíld.

   

  Þar búa ógnvaldar hafsins djúpa

  stórir hvalir og grimmir hákarlar

  en litlu fiskarnir gæta að sér

  og láta alls ekki góma sig

   

  Og skipin sigla um hafið bláa

  þau veiða fiskinn og fær´ann upp á land

  þar hraustir krakkar hann kátir smakka

  og bæta á kúfaðan diskinn sinn.

   

  Svo margir fiskar í sjónum búa

  þar sjá má aldeilis aragrúa af þeim

  þar eru ýsur og rauðir karfar

  ufsi og þorskur og silfursíld.

  (Lag: litlir kassar)

• Frost er úti fuglinn minn

  Frost er úti fuglinn minn

  ég finn hvað þér er kalt.

  Nærðu engu í nefið þitt,

  því nú er frosið allt?

  En ef þú bíður augnablik

  ég ætla að flýta mér,

  að biðja hana mömmu mína

  um mylsnu handa þér.

• Glettinn máninn

  Glettinn máninn gægist gjarnan til mín inn,
  sýnist vilja segja: Sjá þú geislann minn.
  Málað hef ég marga mynd á dal og strönd,
  sett þær mána silfri, sýnt þar töfralönd.

  Ingólfur Jónsson – Franskt lag

• Góðan dag

  Góðan dag, kæra jörð. Góðan
  dag, kæra sól. Góðan dag, kæru
  tré og blómin mín öll. Sæl fiðrildin
  mín og lóan svo fín. Góðan dag
  fyrir þig. Góðan dag fyrir mig.

• Halló krakkar

  Halló krakkar, halló krakkar

  velkomin í dag.

  Gaman er að sjá ykkur

  gaman er að fá ykkur.

  Halló krakkar, halló krakkar

  velkomin í dag.

• Haustvísa

  Hvert er horfið laufið sem var grænt í gær?
  Þótt ég um það spyrjiverð ég engu nær.
  Blöðin grænu hafa visnað,orðin gul og rauð.
  Ef ég horfi miklu lengur verður hríslan auð.
  Nú er ís á vatnisem var autt í gær.
  Yfir landið hélugráumljóma slær.
  Ég brýt heilann um það – segðu mér hvað heldur þú?
  Kemur haustið fyrst á morgun? Er það komið nú ?
  Nú er grettin jörði neins og gamalt skar.
  Sjást nú gamlar hærur þar sem grasið var.
  Yfir fyrrum gróna balaliggja frosin spor.
  Ég verð kuldatíð að þola þar til kemur vor.

• Hér búálfur á bænum er

  Hér búálfur á bænum er á bjálkalofti í dimmunni
  Hér búálfur á bænum er á bjálkaloftinu.
  Hann stappar fótum, hoppar hátt
  og haframjölið étur hrátt.
  Hér búálfur á bænum er á bjálkaloftinu.

• Hresstu þig við

  Hresstu þig við, liðkaðu lið,
  dúddelí dú, dúddelí dú. Laust og
  létt, liðugt og þétt, dúddelí dú,
  dúddelí dú. Láttu nú hendurnar
  hraðara ganga, hreyfðu nú á þér
  skankana langa. Dúddelí, dú,
  dúddelí, dú. Byrjum aftur nú!

• Í leikskóla er gaman

  Í leikskóla er gaman, þar leika allir saman.
  Leika úti og inni
  og allir eru með.
  Hnoða leir og lita,
  þið ættuð bara að vita
  hvað allir eru duglegir í leikskólanum hér.

• Indíánalagið

  Einn lítill, tveir litlir, þrír litlir indíánar,

  fjórir litlir fimm litlir, sex litlir indíánar.

  Sjö litlir, átta litlir, níu litlir indíánar,

  tíu litlir indíánar í skóginum.

   

  Allir voru með byssu og boga,

  allir voru með byssu og boga,

  Allir voru svo kátir og glaðir!

  Þeir ætluðu að fella björninn.

   

  Uss! Þarna heyrðist eitthvað braka.

  Uss! Þarna heyrðist fugl að kvaka.

  Fram kom stóri og grimmi björninn!

  Þá hlupu þeir allir heim til sín.

   

  Þá hlupu:

  Einn lítill, tveir litlir, þrír litlir indíánar,

  fjórir litlir, fimm litlir, sex litlir indíánar.

  Sjö litlir, átta litlir, níu litlir indíánar-

  en einn indíáni varð eftir.

   

  Hann var ekki hræddur við stóra björninn.

  BAMM!! – hann skaut og hitti björninn.

  Tók svo af honum allan haminn

  og hélt síðan heim til sín.

   

  Þá komu:

  Einn lítill, tveir litlir, þrír litlir indíánar,

  fjórir litlir fimm litlir, sex litlir indíánar.

  Sjö litlir, átta litlir, níu litlir indíánar-

  allir að skoða björninn.

• Ingeborg

  Viðlag: Ég á gamla frænku sem heitir Ingeborg.

  Við eftir henni hermum er hún gengur niður á torg.

  1. :.og svo sveiflast fjöðrin og fjöðrin sveiflast svo.:

  Viðlag…

  2. :.og svo sveiflast hatturinn og hatturinn sveiflast svo.:

  Viðlag…

  3. :. og svo sveiflast sjalið og sjalið sveiflast svo.:

  Viðlag…

  4. :.og svo sveiflast karfan og karfan sveiflast svo.:

  Viðlag…

  5. :.og svo sveiflast pilsið og pilsið sveiflast svo.:

  Viðlag…..

  6. :.og svo sveiflast frænkan og frænkan sveiflast svo.:

• Köngulóin

  Það var eitt sinn könguló sem
  hafði átta fætur. Því þurfti hún að
  fara snemma´á átta fætur og
  fara´í skóna og reima skóna á
  átta fætur. Hún taldi 1-2-3-4-5-6-
  7-8. Átta fætur! :,:Tralla ralla,
  hm,hm,hm,hm.:,:

• Langamma

  Ég langömmu á, sem að létt er í lund,
  Hún leikur á gítar hverja einustu stund.
  Í sorg og í gleði hún leikur sitt lag,
  Jafnt sumar sem vetri, jafnt nótt sem dag.
  Eitt kvöld er kviknað í húsinu var
  og brunaliðsbíllinn kom æðandi´að þar.
  Er eldurinn logaði´um glugga og göng
  Fór sú gamla uppá þakið og spilaði og söng.
  Eitt haustið hún gat ekki húsnæðið greitt
  hún varð því að flytja, það fannst mörgum leitt.
  Hún sat uppá bílnum, þótt leið væri löng
  Og látlaust hún spilaði´á gítar og söng.

• Lita gleði

  Græn eru laufin og grasið sem
  grær. Glóðin er rauð og eldurinn
  skær. Fífill og Sóley eru fagurgul
  að sjá. Fjöllin og vötnin og loftin
  eru blá. Hvítur er svanur sem
  syndir á tjörn. Svartur er krummi
  og öll hans börn. Gulur, rauður,
  grænn og blár, svartur, hvítur,
  fjólublár. (A,b,c,d,)

• Lita-rím

  GULUR
  Gul er sólin, vertu viss
  vel kann hún að skína.
  Ostur, sósa, epli, piss
  og íbúar í Kína.

  RAUÐUR
  Fagurrauð er rósin smá,
  rautt er lundanefið.
  Einnig núna nefið á
  Nonna eftir kvefið.

  GRÆNN
  Blandist saman blátt og gult,
  bunandi í sprænu.
  Endum við með alveg fullt
  ílátið af grænu.

  BLÁR
  Þýtur blái bíllinn hjá,
  í Bergheima var sendur.
  Kata er orðin berjablá,
  bæði um munn og hendur.

  SVARTUR
  Svartan lakkrís sýg ég ört,
  svart er prent á blaði.
  Ystu myrkur eru svört
  eins og lauf og spaði.

  HVÍTUR
  Eggjahvítan er svo hvít
  eins og guðinn Baldur.
  Trélím, birtan, blöð og krít
  björn og hvítagaldur.

  BRÚNN
  Heyri ég stundum hestinn Brún
  heimta súkkulaði.
  Er ég rölti út á tún
  eftir hrossataði.

  APPELSÍNUGULUR
  Gulur þorskur gekk um haf,
  gengdi sínum störfum.
  Hitti fríða fylkingu af
  fagurrauðum körfum.

  GRÁR
  Grár er margur gamall klár,
  grágæsir og steinar.
  Kemur hér sem köttur grár
  um kaffileytið Einar.

• Lita-rím

  GULUR

  Gul er sólin, vertu viss

  vel kann hún að skína.

  Ostur, sósa, epli, piss

  og íbúar í Kína.

  RAUÐUR

  Fagurrauð er rósin smá,

  rautt er lundanefið.

  Einnig núna nefið á

  Nonna eftir kvefið.

  GRÆNN

  Blandist saman blátt og gult,

  bunandi í sprænu.

  Endum við með alveg fullt

  ílátið af grænu.

  BLÁR

  Þýtur blái bíllinn hjá,

  í Bergheima var sendur.

  Kata er orðin berjablá,

  bæði um munn og hendur.

  SVARTUR

  Svartan lakkrís sýg ég ört,

  Svart er prent á blaði.

  Ystu myrkur eru svört

  eins og lauf og spaði.

  HVÍTUR

  Eggjahvítan er svo hvít

  Eins og guðinn Baldur.

  Trélím, birtan, blöð og krít

  Björn og hvítagaldur.

  BRÚNN

  Heyri ég stundum hestinn Brún

  Heimta súkkulaði.

  Er ég rölti út á tún

  Eftir hrossataði.

   

  APPELSÍNUGULUR

  Gulur þorskur gekk um haf,

  gengdi sínum störfum.

  Hitti fríða fylkingu af

  fagurrauðum körfum.

  GRÁR

  Grár er margur gamall klár,

  Grágæsir og steinar.

  Kemur hér sem köttur grár

  Um kaffileytið Einar.

• Mánaðarvísur

  Janúar

  (Lag: Ef að ég hjá pabba…)

  Janúar er kaldur, en krakkar fara á skíði

  Ef kemur snjór í fjöllin og landið verður hvítt.

  Kannski finnst þá sumum vera betra að skólinn bíði

  En byrja að loknu jólafríi að púla upp á nýtt.

  Febrúar

  (Lag: María, María)

  Margir telja þig mesta undur

  febrúar,febrúar

  Á þorra verður oft vinafundur,

  Febrúar, febrúar

  Að öðru leyti er helst umtalsvert

  Að þú mánaða systur ert.

  Febrúar, febrúar o.s.frv.

  Mars

  (Lag: Voða bágt á veslings rútur/Stenka Rasin)

  Mars er eins og montinn strákur

  Mest þó ef hann páska ber.

  :,: Vorið stundum vill’ann boða,

  verður þá að gæta að sér:’:

  Apríl

  (Lag: Frjálst er í fjallasal)

  Í apríl fær vorið völd

  víst þó sé golan köld,

  Á sumardag fyrsta er sungið.

  Gengið um göturnar,

  Glatt svífa blöðrurnar

  Ein og ein gæti þó sprungið.

  Maí

  (Lag: Emil í Kattholti)

  Oft er veðrið heitara og vonir nýjar glæðast,

  og vinir ganga hönd í hönd er kemur fram í maí.

  Þá landið fer að grænka meir og lömbin smáu fæðast,

  Og lífið tekur stakkaskiptum jafnt í sveit og bæ.

  En fuglar byggja hreiður sín í brekku og mó,

  Og börnin eiga að leyfa þeim að vera í friði og ró.

  Júní

  (Lag: Komdu og skoðaðu í …)

  Næst birtist júní, þá bjart er um nætur,

  og börnin þau leika sér kvöld efir kvöld.

  Þá ilmur úr jörðu er óvenju sætur

  Og upp sprettur litskrúðug blómanna fjöld.

  Á sautjánda júní við óskum þess flest

  að ekki neitt rigni og hlýni sem mest.

  Tralalala….

  Júlí

  (Lag: Sól, sól skín á mig)

  Júlísól, sjáðu mig

  Síst vil ég missa þig,

  Vel og lengi þú verma skalt.

  Júlísól, sjáðu mig!

  Ágúst

  (Lag: Ljúfa Anna)

  Ágúst, águst er okkar vinur kær,

  Þó sumri hakki og haust færist óðum nær.

  Og menn eru á ferð og flugi.

  Því fríið á alla hugi.

  Og vítt um heim

  Á vikum tveim

  Væri fróðlegt að fylgja þeim.

  September

  (Lag: Það búa litlir dvergar)

  Er sumarið alveg búið í september?

  Já, svona líður tíminn – æ, því er verr!

  Skólans aftur opnast dyr,

  Eflaust margur krakkinn spyr:

  “þarf ég kannski tösku að kaupa mér?”

  Október

  (Lag: Óli skans)

  Október, október,

  Ertu dál’tið gleyminn?

  Flýttu þér, flýttu þér

  Að fara út í heiminn.

  :,:Í gær var síðasti september.

  Reyndu að muna, hafðu í huga

  Hver þá næstur er!:’:

  Nóvember

  (Lag: Fyrr var oft…)

  Nú er kominn nóvember,

  nætur hverfa í skugga.

  Kannski er ráð þá kvölda fer

  Að kíkja í búðar glugga.

  Í ljósadýrð þar líta má

  leikföng handa öllum.

  En hver sem vill þau feginn fá

  Þarf fullt af hundraðköllum.

  Desember

  (Lag: Ískólanum, í skólanum… )

  Í desember, í desember

  er dýrleg hátíð jóla.

  Þó gleðji okkur gjöf að fá

  Er gleymum þeim sem fæddist þá.

  Í desember, í desember

  er dýrleg hátíð jóla.

• Mér er kalt á tánum

  Mér er kalt á tánum

  ég segi það satt.

  Ég er skólaus og skjálfandi

  og hef engan hatt.

  Það snjóaði í morgun,

  það snjóaði í gær.

  Ég er hreint alveg ráðalaus,

  en hvað um það?

   

  Ég syng mína vísu

  um snjóin og mig,

  Tra, ra, la, la la la la la

  um snjóinn og mig.

• Ó mamma gefðu mér rós

  Ó mamma gefðu mér rós í hárið á mér.
  Tveir litlir strákar eru skotnir í mér.
  Annar er blindur en hinn ekkert sér.
  Ó mamma gefðu mér rós í hárið á mér.

  Þegiðu stelpa þú færð enga rós.
  Farðu heldur með henni Gunnu út í fjós.
  Þar eru kálfar og þar eru kýr.
  Og þar eru fötur til að mjólka í.

• Óli Prik

  Punktur, punktur, komma strik,
  þetta er hann Óli prik. Hálsinn
  mjór, maginn stór, hendur, hendur,
  fætur, fætur, finnst þér ekki Óli sætur? Hár, hár, hár, hár.
  Nú er karlinn klár.

  Auga, auga, nef og munnur, þetta
  er hún, hann (nafn barns).
  Hálsinn mjór, maginn stór,
  hendur, hendur, fætur, fætu, ég
  hef á þér miklar mætur! Hár, hár,
  hár, hár, svo ertu líka klár.

• Öskudagur

  Á öskudegi fer ég með öskupoka af stað

  og elti menn og konur sem ekki vita um það.

  Hengi svo poka á hinn og þennan sem ég næ

  lauma á poka, læðist burtu og hlæ.

  Svo dingla þeir þarna pokarnir, pokarnir.

  Svo dingla þeir þarna pokarnir, húllum hæ.

• Róum bát

  Róum, róum, róum bát niður
  lygna á. Við erum hress, við erum
  kát, okkur liggur ekkert á.

• Rúnki fór í réttirnar

  Runki fór í réttirnar

  ríðandi á honum Sokka.

  Yfir holt og hæðirnar

  hann lét klárinn brokka.

• Signir sól

  Signir sól sérhvern hól.
  Sveitin klæðist geisla kjól.
  Blómin blíð björt og fríð blika fjalls í hlíð.
  Nú er fagurt flest í dag.
  Fuglar syngja gleði brag.
  Sumar ljóð, sæl og rjóð syngja börnin góð.

  Gunnar M. Magnússon – Þýskt lag

• Sláðu og sláðu

  Sláðu’ og sláðu með einum hamri,
  sláðu’ og sláðu með einum hamri,
  sláðu’ og sláðu með einum hamri,
  og sláðu’ í allan dag.

  Sláðu’ og sláðu með tveimur hömrum,
  sláðu’ og sláðu með tveimur hömrum,
  sláðu’ og sláðu með tveimur hömrum,
  og sláðu’ í allan dag.

  Sláðu’ og sláðu með þremur hömrum……
  Sláðu’ og sláðu með fjórum hömrum……

  - Enskt lag

• Snjókorn falla

  ::Snjókorn falla nú til jarðar eitt og eitt::

  Nú er skemmtilegt að líta

  okkar landið kalda og hvíta.

  Snjókorn falla nú til jarðar eitt og eitt.

  Syngjum hæ, hæ, hopp og hí og hæ,

  svo það hljómi í þorpi, borg og bæ.

  Inní dölum uppá fjöllum ómar loft af hlátrasköllum.

  Syngjum hæ, hæ, hopp og hí og hæ.

• Sprengidagur

  Á sprengidegi er bumban að springa hreint á mér

  því magnið er ei smátt sem é magan á mér fer.

  Af saltkjöti og baunum ég saðningu í magann fæ

  af saltkjöti og baunum ég saddur verð og hlæ.

  Já bragðgóðar eru baunirnar, baunirnar.

  Já bragðgóðar eru baunirnar húllum hæ.

• Syndum, syndum

  Syndum, syndum í
  Þorlákshafnarlaug. Mér er heitt
  og mér er kalt í
  Þorlákshafnarlaug. Bringusund,
  skriðsund og hoppa´í laugina.Ég
  vildi´ég gæti verið hér alla ævina.

• Syrpan

  Allir krakkar, allir krakkar
  eru í skessuleik.
  Má ég ekki mamma
  með í leikinn þramma?
  Mig langar svo, mig langar svo
  að lyfta mér á kreik.

  Allir krakkar, allir krakkar
  eru að fara heim.
  Heim til pabba og mömmu
  kannski afa og ömmu.
  Allir krakkar, allir krakkar
  eru að fara heim.

  Allir krakkar, allir krakkar
  eru að fara út,
  út með skóflu og fötu
  en ekki út á götu.
  Allir krakkar, allir krakkar
  eru að fara út.

  Sigga litla systir mín
  situr út í götu.
  Er að mjólka ána sín
  í ofurlitla fötu.

  Fuglinn segir bí, bí
  bí, bí segir Stína.
  Kveldúlfur er komin í
  kerlinguna mína.

  Afi minn fór á honum Rauð
  eitthvað suður á bæi.
  Sækja bæði sykur og brauð
  sitt af hvoru tagi.

  Afi minn og amma mín
  út á Bakka búa.
  Þau eru bæði sæt og fín
  þangað vil ég fljúga

  Fljúga hvítu fiðrildin
  fyrir utan gluggann.
  Þangað siglir einhver inn
  ofurlítil dugga.

• Um landið bruna bifreiðar

  Um landið bruna bifreiðar, bifreiðar, bifreiðar,
  Með þeim við skulum fá oss far og ferðast alls staðar.
  Ba-bú, ba-bú, tra-la-la-la-la-la-la. Ba-bú, ba-bú, tra-la-la-la-la.
  Um loftin fljúga flugvélar, flugvélar, flugvélar,
  með þeim við skulum fá oss far og ferðast alls staðar.
  Ba-bú, ba-bú, tra-la-la-la-la-la-la. Ba-bú, ba-bú, tra-la-la-la-la.
  Um höfin sigla skúturnar, skúturnar,skúturnar
  Með þeim við skulum fá oss far og ferðast alls staðar
  Ba-bú, ba-bú, tra-la-la-la-la-la-la. Ba-bú, ba-bú, tra-la-la-la-la.

• Umferðavísur

  Nýjar reglur skulu ríkja

  Hæ fadderí, fadderallala.

  til hægri skaltu hiklaust víkja

  Hæ fadderí, fadderallala.

  Því gaman er um götu og stétt

  að geta farið alveg rétt.

  Hæ fadderí, hæ faddera

  Hæ fadderí, fadderallala.

   

  Viljum yfir veginn fara.

  Hæ fadderí, fadderallala.

  Athugaðu áður bara

  Hæ fadderí, fadderallala.

  Að ekki komi bílar brátt

  brennandi úr hægri og vinstri átt.

  Hæ fadderí, hæ faddera

  Hæ fadderí, fadderallala.

   

  Við leikum okkur ekki á strætum.

  Hæ fadderí, fadderallala.

  Því undir bíl við orðið gætum.

  Hæ fadderí, fadderallala.

  Já, umferð verður ósköp fín

  ef allir læra að gæta sín.

  Hæ fadderí, hæ faddera

  Hæ fadderí, fadderallala.

• Upp á grænum, grænum

  Upp á grænum, grænum,

  himinháum hól

  sá ég héra hjónin ganga.

  Hann með trommu, bomm,

  bomm, bomm, bomm bomm bomm,

  hún með fiðlu sér við vanga.

  Þá læddist að þeim ljótur byssu karl,

  hann miðaði í hvelli.

  En hann hitti bara trommuna sem small

  og þau hlupu og héldu velli.

• Út um mó, inn í skóg

  Út um mó, inn í skóg,

  upp í hlíð í grænni tó.

  Þar sem litlu berin lyngi vaxa á,

  tína, tína, tína má.

   

  Tína þá berjablá

  börn í lautu til og frá.

  Þar sem litlu berin lyngi vaxa á,

  tína, tína, tína má.

• Við erum góð

  Við erum góð, góð hvert við
  annað. Stríðum ekki eða meiðum
  neinn. Þegar við grátum huggar
  okkur einhver, þerrar tár og
  klappar okkar kinn.

• Við erum vinir

  Við erum vinir, við erum vinir, ég

  og þú, ég og þú. Leikum okkur

  saman, leikum okkur saman, ég

  og þú, ég og þú.

• Þorraþrællinn

  Nú er frost á Fróni, frýs í æðum blóð.

  Kveður kuldaljóð Kári´ í jötunmóð.

  Yfir laxalóni liggur klakaþil

  hlær við hríðarbyl hamragil.

  Mararbára blá brotnar þung og há

  unnar steinum á yggld og grett á brá.

  Yfir aflatjóni æðrast skipstjórinn.

  Harmar hlutinn sinn hásetinn.

   

  Horfir á heyjaforðann hryggur búandinn:

  ,,Minnkar stabbinn minn, magnast harðindin.

  Nú er hann enn á norðan, næðir kuldaél

  yfir móa´ og mel, myrkt sem hel.”

  Bóndans býli á björtum þeytir snjá.

  Hjúin döpur hjá honum sitja þá.

  Hvítleit hringaskorðan huggar manninn trautt:

  Brátt er búrið autt, búið snautt.

   

  Þögull þorri heyrir þetta harmakvein,

  en gefur grið ei nein, glíkur hörðum stein,

  engri skepnu eirir, alla fjær og nær

  kuldaklónum slær og kalt við hlær:

  Bóndi minn, þitt bú betur stunda þú.

  Hugarhrelling súr er hart þér þjakar nú,

  þá mun hverfa´ en fleiri höpp þér falla í skaut.

  Senn er sigruð þraut, ég svíf á braut.

• Þýtur í laufi

  Þýtur í laufi, bálið brennur.
  Blærinn hvíslar: ”sofðu rótt”.
  Hljóður í hafið röðull rennur,
  roðnar og býður góða nótt.
  Vaka þá ennþá vinir saman
  varðeldi hjá í fögrum dal.
  Lífið er söngur, glaumur gaman,
  gleðin, hún býr í fjallasal.