Leikskólinn Bergheimar » Tröllaheimar

Vorhátíð Leikskólans Bergheima

annakristin — Wed, 16 May 2012 14:10:18 +0000

Laugardaginn 12.maí hélt foreldrafélag leikskólans sína árlegu Vorhátíð. Ýmislegt var í boði og einnig höfðu börnin hengt upp nokkur verk til að sýna foreldrum og öðrum.

Flutningur innanhús á milli deilda.

annakristin — Wed, 16 May 2012 13:18:57 +0000

Nú eru breytingar á deildinni okkar í leikskólanum, með flutning Tröllabarnanna okkar yfir á Hulduheima og til okkar koma börn af Álfa- og Dvergaheimum. Þetta mun ganga áfram svona fram á haust. Nokkur börn fara fyrir sumarfrí og svo restin flytjast eftir sumarfrí. Deildarstjóri tilkynnir ykkur foreldrum hvenær barn ýkkar byrjar í aðlögun á milli deilda :)

Fyrirhugað er að fara út í hesthús núna í maí að skoða lömb þegar ærnar þar bera og einnig að skoða hesta og hænur, nánar auglýst síðar. Sumarskipulagið fer svo að rúlla fljótlega og vonumst við eftir að það fari nú að hlýna :)

Alþjóða dansdagur

annakristin — Mon, 30 Apr 2012 14:07:11 +0000

Í gær var Alþjóða dansdagurinn og var hann haldinn hátíðlegur í leikskólanum í dag með því að við hittumst öll í salnum og dönsuðum nokkra barnadansa. Tókst vel til og allir voru mjög hressir og virkir :)

Höldum umhverfinu hreinu :)

annakristin — Thu, 26 Apr 2012 11:03:18 +0000

Í gær hófst umhverfis átak i Ölfusi og við í leikskólanum tökum að sjálfsögðu þátt. Allur leikskólinn fór út að tína rusl og hreinsa stéttar og gera fínt í kringum leikskólann og inni á lóðinni. Tröllaheimar áttu svæðið umhverfis leikskólann og fundum við ýmislegt sem ekki á að lyggja í náttúrunni okkar og söfnuðum saman og henntum.

Leikfimisýning 12. apríl 2012

annakristin — Fri, 13 Apr 2012 10:52:51 +0000

Í gær var síðasti leikfimidagurinn í íþróttahúsinu og því var haldin leikfimisýning fyrir aðstandendur og tókst hún vel :) Fjölmargir sóttu hana og við á Tröllaheimum höfðum mjög gaman að og börnin stóðu sig mjög vel.

Hér eftir förum við í hreyfingu utandyra víða um bæinn okkar :)

Mugison Uppákoman okkar :)

annakristin — Fri, 13 Apr 2012 10:42:49 +0000

Í lok mars fluttu Tröllaheima börnin lag Mugison, Stingum af af hreinni snilld fyrir leikskólabörn og starfsmenn:) Þau voru búin að æfa textann við undirspil Mugison í mars mánuði og miðað við flókinn texta fóru þau létt með að læra hann á aðeins mánuði og eiga hrós og klapp skilið. Undirtektirnar voru góðar og sungu þeir með sem kunnu og höfðu allir gaman af og þá sérstaklega börnin okkar á Tröllaheimum. Þau voru alltaf glöð að fara yfir textann, við sýndum þeim listamanninn sjálfan og fræddum þau um hann og Mugison vildi glaður senda okkur undirspil sitt svo við gætum flutt lag hans og þökkum við honum kærlega fyrir. Uppákoman var tekin upp á video og vonumst við til að geta sett flutninginn hér inn á síðuna okkar við tækifæri :) En hér má sjá nokkrar myndir sem teknar voru.

Páskaföndur og uppákoma

annakristin — Wed, 21 Mar 2012 13:23:54 +0000

Senn líður að Páskum og erum við byrjuð að undirbúa þá hér á Tröllaheimum með föndri og fræðslu. Börnin hafa verið að búa til alls konar páskaskraut, perla og föndra.

Næsta uppákoma í söngstund verður föstudaginn 30.mars og er það deildin okkar sem mun sjá um hana. Deildarstjóri hafði samband við tónlistarmanninn Mugison um að fá lag hans Stingum Af til afnota. Kappinn hafði bara gaman af því og sendi til mín undirspil lagsins án söngs. Börnin eru svo búin að vera að’ æfa sönginn með undirspilinu og gengur það alveg ljómandi vel :) Þau eru ótrúlega dugleg að syngja þetta lag þar sem textinn er flókinn og lagið einnig og erum við mjög ánægðar með frammistöðu þeirra :) Við munum svo flytja lagið í söngstund í salnum og jafnvel taka það upp á video svo fleiri geti notið snilldar þeirra :)

Kveðja Anna Kristín

Öskudagsmyndir

annakristin — Wed, 22 Feb 2012 14:06:25 +0000

Bolludagur og Öskudagur á Tröllaheimum :)

annakristin — Wed, 22 Feb 2012 13:48:53 +0000

Þessi vika hefur verið annasöm og skemmtileg. Á mánudag/Bolludag fengum við Rjómabollur með súkkulaðiglassúr á og kjötbollur í hádeginu. Krakkarnir voru búnir að gera bolluvönd sem þau fóru með heim og ætluðu að bolla foreldra sína til að rukka inn fleiri bollur. Júlíus og Ásberg komu svo í samverustund og lásu bækur fyrir okkur en þeir komu frá félagsstarfi eldriborgara. Á þriðjudag, Sprengidag fengum við baunasúpu með saltketi í og átum þar til við sprungum eða sumir alla vega :) Í dag höldum fögnum við svo Öskudegi þar sem við klæðum okkur upp í alls konar búninga, fórum á Öskudagsball í íþróttahúsinu og í hádeginu var Pizzuveisla. Börnin voru einnig búin að sauma öskupoka hjá okkur :)

Dagur Leikskólans

annakristin — Mon, 06 Feb 2012 14:02:13 +0000

Í dag 6. febrúar höldum við Dag leikskólans hátíðlegan. Börnin teiknuðu sjálfsmynd á blað sem var svo límt á karton, Tröllaheimar = ein heild ólíkir einstaklingar. Klukkan 10 í morgun héldum við svo öll inn í sal þar sem við tókum á móti bæjarstjóranum okkar og afhentum honum plakat um dag leikskólans. Svo sungum við og dönsuðum öll saman og höfðum gaman :) Börnin fengu svo pönnukökur og drykk í lokinn og skemmtu sér allir vel :)